Ја викаат „Чупава Ката“ – полесна торта за правење нема

Оваа вкусна, а лесна за правење торта всушност е спој на старински и понов рецепт. Составена е од два дела. Едниот дел е тесто и порано тоа ја претставувало целата торта (како обична „торта со мешање“). Вториот дел е фил кој во минатото не го правеле, бидејќи за него е потребен миксер.

Подготовка на тестото:

Еден маргарин се бие со маталка со 5 жолчки, 4 лажици шеќер и се доодава 400гр брашно. Се добро се меси и се става во подмачкано длабоко тавче. Едно топче од тестото се става во фрижидер за да се стегне.

Подготовка на филот:

5 белки се бијат со миксер со 250гр шеќер и се додаваат 150гр сецкани ореви.

Тестото се премачкува со џем и се става филот. Одозгора се ренда тестото од фрижидер. Се пече 25 минути на 180 степени.