Јадете го често! Ова овошје ги „убива“ холестеролот и бактериите

Добро е познато дека храната што ја јадеме има големо влијание врз здравјето на нашиот организам и дека треба да бидеме внимателни во поглед на она што го внесуваме во себе. Одредени намирници го намалуваат ризикот по здравјето, додека други може да имаат спротивен ефект, односно да бидат опасни.

Овошјето е препорачливо да се конзумира секојдневно, бидејќи спаѓа во групата на здрава храна,  полна со витамини и растителни влакна. Еднен таков вид овошје е црвеното грозје, на чии позитивни страни ќе потсетиме во овој текст.

Според научничката Алекс Руани од Универзитетот во Лондон, црвеното грозје може да помогне во намалувањето на холестеролот и воспалението и да го зајакне имунитетот. Во интервју за „Тајмс“, Руани објаснува дека црвеното грозје е богато со полифеноли.

„Тоа се антиоксидантни растителни соединенија. Црвеното грозје содржи еден вид антоцијани, син пигмент за кој е докажано дека помага за здравјето на мозокот, како и ресвератрол, за кој се покажа дека има антиинфламаторни и анти-старечки ефекти“, рече таа.

Кожичката и семките од црвено грозје се богати и со други антиоксиданси, вклучувајќи катехини и епикатехини, за кои е познато дека го намалуваат оксидативниот стрес во телото.

„Детална студија од 2023 година покажа дека јадењето три порции грозје од 80 грама дневно во текот на две недели го зголемува нивото на корисни бактерии и ги намалува потенцијално штетните. Ова значи дека грозјето промовира поздрав цревен микробиом, кој е поврзан со подобрено варење, посилен имунитет и го намалува воспалението“, рече таа.

Истата студија покажа дека грозјето го намалува нивото на ЛДЛ, односно лошиот холестерол, поради количината на влакна што ги содржи.

Имајќи го предвид горенаведеното, црвеното грозје може да биде одличен избор за превенција на метаболички нарушувања поврзани со оксидативен стрес, но и за намалување на ризикот од кардиоваскуларни заболувања поврзани со холестеролот, особено кај возрасните со хиперлипидемија.