Јадете пиперки – полни се со А, Ц и Б6 витамини

Во светот се одгледуваат педесетина видови на пиперки. Сите тие содржат корисни елементи за човековото здравје, а имаат ниска калорична вредност.

Зошто да јадете пиперки? Без разлика дали е жолта, зелена, црвена, дали е бабура, лута или блага, пиперката помага во одржување на здрав организам. Богата е со витамин Ц, и можеби ќе звучи чудно, но го содржи двојно повеќе отколку лимонот или портокалот. Исто така, содржи доста калиум, на кого му се препишува диуретско и антиканцерогено дејство. Витаминот А кој го има во голема концентрација е добар за очите и видот, додека Б6 помага во намалување на нервозата, стресот, го смирува организмот и го поттикнува лачењето на „хормот на среќата“.

Пиперката ќе ви помогне и во лекувањето на алергии, анемија, астма, артеросклероза, ангина пекторис и дијабетес. Го подобрува апетитот, ја поттикнува работата на желудникот и корисна е во борбата против хемороиди. Поради ниската калорична вредност, се препорачува и при диети.

Причини да јадете пиперки има многу. Сепак, за да почувствувате вистински благодет од нив мора да ги имате  редовно на вашето мени.