Јагликата е вистинска ризница на здравје – делува против кашлица, несоница, мигрена, костобол…

Јагликата, латински Primula veris е недоволно позната и искористена, но многу корисна билка, за чии лекотиви својства вреди да се информирате и да почнете да ја употребувате. Јагликата е еден од првите весници на пролетта. При берење важно е да ги  берете целите цветови со дршката, исклучиво на сончево и суво време.

Во древната медицина била користена за лечење на болни грчеви, ревматски болки, вкочанетост. Денес веќе се признати и други благотворни дејства, за лекување кашлица,  белодробни заболувања, подобрување на крвната слика.

Коренот од јагликата делува смирувачки и може да се употребува како средство за намалување на главоболка, нервоза, несоница, вртоглавица. Во извесна мера, дури помага и во ублажување на мигрената, проблем за кој луѓето тешко наоѓаат решение.

Цветовите се користат за тегоби со бубрезите, за нивно прочистување и нормализирање на функционирањето.

Јагликата содржи натриум, витамин Ц, калциум, каротен, сапонин кој е главна состојка на аспиринот, па оттаму доаѓаат и антивоспалителните својства. Единствена напомена е дека не се препорачува на трудници и доилки, заради сапонинот, кој може да предизвика несакани последици за бременоста.

Чајот од оваа билка се подготвува исто како и било кој друг чај. Исушените цветови, кои имаат сладок вкус, може да ги додавате во соодветни јадења.

Сируп од јаглика може да си направите на следниот начин: 50 гр. светови од јаглика ги прелевате со литро врела вода. Оставате да се излади, а потоа додавате 100 гр.мед и убаво ја мешате смесата.