Гостивар
Јакупи: Гостиварската болница има доволно легла, лекови и кислород во ковид центрите
Актуелно на инфективното, интерното и одделението за неврологија кои се ковид центри во општата болница „Д-р Ферид Мурад“ во Гостивар, хоспитализирани се вкупно 54 пациенти, информираше директорот Јакуп Јакупи. Слободни легла има, а капацитетите според потребата ќе се прошируваат, ниту еден пациент нема да остане незгрижен, вели Јакупи.
„На чекор пред есенскиот ковид бран извршивме некои подготовки, најпрво пренаменивме дел од интернистичкиот оддел и интензивно во ковид центар. Потоа како што растеа бројките тој капацитет се исполни и најдовме алтернативно решение, односно се пренамени одделението за неврологија, каде обезбедивме дополнителни 15 кревети. За сега болничките капацитети се стабилни, вкупно раполагаме со 83 легла, од кои 54 се исполнети. На интерно се хоспитализирани 24 пациенти, на инфективно 21 и 9 на неврологија. Сите се третираат по соодветните протоколи од Министерството за здравство и Комисијата за заразни болести. Болницата е снабдена со сите потребни лекови кои се во протоколите за лекување на ковид“, изјави директорот Јакупи.
За да нема застој во грижата за пациентите, реорганизација се прави и со здравствениот персонал, со оглед дека заразени со коронавирус има и меѓу медицинарите.
„Се појавија повеќе случаи на заразени меѓу медицинскиот персонал. Но, се обидуваме, како што се потребите да го распределиме медицинскиот кадар, затоа што секој ден треба да реагираме адекватно и соодветно каде што има потреба. И со средно медицински персонал и со транспортери, за лекари да не зборуваме, затоа што треба да ги покриеме потребите на пациентите 24 часа.“, рече Јакупи.
Девет месеци болницата во Гостивар ја води битката за ковид пациентите од гостиварскиот регион на кои им е потребна хоспитализација. Се појавувале различни ситуации и проблеми. Како прв човек на установата Јакупи апелира на поголемо трпение и внимателност од граѓаните, особено од семејствата на пациентите, кои кога доаѓаат пред ковид центрите го ризикуваат и сопственото здравје.
„Пациентите кои лежат во ковид центрите навистина носат голем психички товар, и кога за нешто реагираат ние ја разбираме нивната реакција и стрес, но би ги замолил нивните блиски, семејствата да бидат повоздржани, да имаат трпение и да не остават да си ја вршиме нашата работа така како што треба. Молбата е да не доаѓаат во болницата и да чекаат пред влезовите на ковид центите затоа што така и ризикот од зараза за нив е голем, притисокот врз персоналот е голем, а тоа е еден вид притисок и врз нивните блиски, тоа се пациенти кои треба да мируваат“, апелираше Јакупи.
Според последните податоци од Министерството за здравство, активно заразени со коронавирус на гостиварското подрачје се 982 лица.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар