Гостивар
Јапонска донација за болницата во Гостивар вредна над 60.000 евра
Амбасадата на Јапонија во рамките на грант програмата за мали проекти и човекова безбедност обезбеди грант за општата болница во Гостивар „Ферид Мурад“, во вредност од околу 60.600 евра за набавка на дигитален печатач за радиографија, чија цел е да се зголеми квалитетот на работата во Одделот за радиологија. Денес во Општина Гостивар беше потпишан грантот од страна на Амбасадорот на Јапонија, Хиронори Савада во присуство на градоначалникот Арбен Таравари и директорот на болницата, Јакуп Јакупи.
„Во време кога светот се соочува со една од најголемите здравствени кризи со сериозни социо-економски последици, оваа помош од јапонската амбасада е повеќе од добредојдена. Во мое име и во име на граѓаните на Гостивар, би сакал да изразам голема благодарност до јапонскиот народ и амбасадорот Хиронори Савада“, изјави градоначалникот.
Проектот за подобрување на медицинската опрема за Општата болница во Гостивар, е петти грант во рамките на оваа програма во текот на 2021 година, рече јапонскиот амбасадор Савада.
„Се надевам дека новиот дигитален и модерен уред ќе овозможи висококвалитетна медицинска услуга, преку точно дијагностицирање за потребите на пациентите, граѓаните на Гостивар“, рече амбасадорот Савада.
Директорот на гостиварската болница, Јакуп Јакупи се заблагодари за поддршката, потсетувајќи дека Амбасадата на Јапонија и претходно помагала на болницата.
„Во 2002 година имаше донација од медицински помагала. Со новата донација вредна 60.635 евра, односно РТГ дигитален уред, ќе бидеме снабдени со најсовремена медицинска технологија“, рече Јакупи.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар