Јапонска „памучна“ торта: Најмекиот десерт кој ќе ве освои со само три состојки

Јапонската „памучна“ торта е еден од најпознатите десерти кој ги освои срцата на луѓето низ целиот свет благодарение на својата неверојатна мекост и лесен начин на подготовка. Овој десерт, иако изгледа едноставен, е вистинско гастрономско чудо. Со само три состојки, може да подготвите торта што се топи во устата и нуди уникатно слатко уживање.

Она што ја прави оваа торта толку посебна е нејзината текстура, која е како најмекото памучно перниче, но со богат, кремаст вкус. Не треба да бидете професионалец во кујната за да ја подготвите – рецептот е едноставен, а резултатите се импресивни. Идеална е за сите прилики, без разлика дали е тоа попладневен десерт или дел од свечена трпеза.

Рецепт за Јапонска памучна торта од три состојки

Состојки:

• 3 јајца
• 120 гр крем сирење (намаз)
• 120 гр бело чоколадо

Подготовка:

Чоколадото се става да се растопи на пареа. Жолчките и белките се одделуваат, белките се матат додека не се формираат цврсти врвови. Кога ќе се растопи чоколадото, се меша со крем сирењето и жолчките, па полека се додаваат изматените белки. Смесата се истура во калапот и се пече на 170°C 15 минути. По 15 минути, намалете ја температурата на 160°C и печете уште 15 минути. По 30 минути печење, исклучете ја рерната и оставете го колачот да се “пече” уште 15 минути на преостаната топлина. Изладете го колачот и посипете го со шеќер во прав. Доколку сакате може да декорирате со некое овошје.

Пријатно!