Јапонско јаболко – за здрави црева и црн дроб, регулирање на крвен притисок…

Јапонското јаболко е растение по потекло од Јапонија, во форма наликува на домат, додека бојата на плодот може да биде светло жолта до портокалова до потемно црвена. Плодовите имаат сладок вкус кој освежува и потсетува на мешавина од јаболка, кајсии и портокали и се највкусни во зимските месеци кога целосно се зрели и омекнати.

Ова овошје е полно со витамини (К, Ц, А), антиоксиданси кои му помагаат на имунолошкиот систем да функционира непречено, штитат од оксидативен стрес  и ги зајакнуваат крвните садови.

Катехините, силни антиоксиданси од групата флавоноиди исто така присутни во ова овошје покажуваат силно антимикробно и антиинфламаторно дејство, спречуваат инфекции, го намалуваат нивото на холестерол и ги зајакнуваат крвните садови.

Ниската содржина на натриум, јаглехидрати и масти го прави ова овошје со многу добри својства. Бакарот исто така присутен во ова овошје придонесува за добра апсорпција на железо, минерал кој е важен за синтезата на црвените крвни зрнца.

Јапонското јаболко е добро за варење

Редовната употреба на ова овошје, богато со диетални влакна (1 јаболко со средна големина содржи околу 6 грама влакна, што е дури 24% од препорачаната дневна доза) ќе ви помогне да го одржите доброто здравје на дигестивниот систем. Високата содржина на влакна ги придвижува цревата, овозможува нивно редовно празнење, ги детоксицира штетните материи од нив и помага во подобро варење на храната. Исто така тоа го намалува холестеролот и помага при запек, а го спречува и создавањето на хемороиди.

Ова овошје е и добар диуретик кој ќе му помогне на организмот да се ослободи од вишокот килограми и благотворно делува на работата и здравјето на бубрезите.

Ја зголемува отпорноста на организмот

Јапонското јаболко е одличен извор на витамин Ц (1 јаболко ќе задоволи над 20% од препорачаната дневна доза на овој витамин) што ќе го зајакне имунитетот, ќе не заштити од настинки, грип како и од разни воспаленија и инфекции на белите дробови.

Го штити видот

Зеаксантинот, антиоксиданс присутен во ова овошје, игра важна улога во одржувањето на доброто здравје на очите, го намалува ризикот од катаракта и макуларна дегенерација. Јапонското јаболко содржи и значителни количини на витамин А, кој е неопходен за одржување на нормален вид, благотворно делува на ослабениот имунитет, ги штити мукозните мембрани на дишните органи и органите за варење.

Јапонското јаболко е добро за црниот дроб

Богатството на антиоксиданси во ова овошје ги отстранува штетните слободни радикали, го спречува оштетувањето на клетките, ги намалува ефектите на токсичните материи, а сето тоа резултира со добра детоксикација на организмот и здрав црн дроб.

Погодни се за луѓе со хипертензија

Јапонското јаболко има ниско ниво на натриум, така што може да се користи како дел од урамнотежена исхрана со ниска содржина на натриум за луѓе со хипертензија. Калиумот, кој го има во јапонското јаболко е одличен извор, го регулира крвниот притисок и го одржува срцето здраво.