Јавните претпријатија во средиште на следната седница на гостиварскиот Совет

Петтата седница на Советот на општина Гостивар ќе се одржи во среда, 30 мај и има 25 точки на дневниот ред. Според најавата, ќе доминираат прашања врзани со работата на гостиварските јавни претпријатија.

Советниците ќе ги разгледуваат финансиските извештаи, годишните програми и други програми за работа на ЈП за паркинг и зеленило и на Комуналец. На седницата ќе се дискутира и за Планот за вработување во комуналното претпријатие за 2018-та година. По ова прашање се очекува широка дебата меѓу мнозинството од една страна и советниците кои ја поддржуваат локалната власт, ако се знае дека претходната седница не беше усвоен  Планот за вработувања за 2019-та година во општина Гостивар.

На дневен ред на следната седница е ставена и предлог одлука за субвенционирање на Јавното претпријатие Ринија, кое стопанисува со спортската сала во Гостивар.

Десетина точки се однесуваат на прашања врзани со урбанизмот и легализацијата на дивоградби. Пред советниците ќе се најде и првиот квартален извештај за извршување на буџетот на општина Гостивар за 2018.