Гостивар
ЈП сака зонско паркирање и по „Беличица“ – полицијата утврдила дека нема законски услови
Во Гостивар нема доволно места за паркирање на автомобилите и со години наназад постои потреба од проширување на капацитетот на паркиралиштата. Општината планира да гради катна гаража, по моделот јавно-приватно партнерство, за што неофицијално биле заинтересирани две фирми. Јавното претпријатие за паркинг и зеленило, пак сака да воведе зонски паркинг и на ул „Беличица“.
„Актуелно располагаме со околу 840 паркинг места со зонско паркирање и паркиралишта од затворен тип. Но, тие не ги задоволуваат потребите на граѓаните, кои секојдневно користат автомобили. Неопходно е да се обезбедат повеќе места за паркирање, за да не се создаваат гужви и неред во градскиот сообраќај“, изјави директорот на претпријатието, Беким Челебиу.
За да се воведе зонско паркирање на ул„Беличица“, неопходна е дозвола од полицијата. Во врска со ова, од СВР Тетово за Gostivarpress.mk, објаснуваат дека утврдиле дека нема законски услови за воведување на зонско паркирање на оваа улица.
„Полициски службеници на СВР Тетово од Одделението за полиција излегле на лице место и утврдиле дека не се исполнети законски предвидените услови за воведување на зонско паркирање на оваа улица, односно дека станува збор за таканаречена „собирна улица“ од примарната сообраќајна мрежа на која, согласно постоечкиот Правилник со кој се регулираат вакви прашања, не се дозволува никакво паркирање, вклучително и зонско паркирање.“, стои во одговорот на СВР.
До Секторот за внатрешни работи Тетово заклучно со денеска (8 ноември), не е поднесено официјално писмено барање за добивање согласност за зонско паркирање на улицата „Беличица“. Во разговор со актуелното раководство на локалната самоуправа, остварен неодамна, било побарано мислење околу тоа прашање.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk