Занимливости
Јужниот океан е прогласен за петти океан на планетата Земја
На Светскиот ден на океанот којшто беше на 8-ми јуни, планетата Земја доби уште еден океан и официјално тој е петтиот океан што се наоѓа на оваа планета. По Арктичкиот Океан, Атлантскиот, Тихиот(Пацифички) и Индискиот океан, сега е признат и Јужниот океан. Одлуката е на Националното географско друштво.
Иако означувањето на студените води што го опкружуваат јужниот континент како посебен океан трае скоро 100 години и е широко користено од научниците, досега немало официјално признавање. Националното географско друштвото отсега па натаму ќе го обележува Јужниот океан како петти океан на своите мапи на нашата планета.
Досега имаше само четири океани кои беа дефинирани од континентите со кои се граничеа. Спротивно на тоа, Јужниот океан не е дефиниран од континентите што го опкружуваат, туку од Антарктичката циркумполарна струја што тече од запад кон исток. Научниците сметаат дека оваа струја е формирана пред 34 милиони години кога континентот Антарктик се одделил од Јужна Америка, овозможувајќи непречен проток на вода околу „дното“ на светот.
Денес, Антарктичката циркумполарна струја тече низ сите води околу Антарктикот до околу 60 степени јужна географска ширина, освен патеката Дрејк и Шкотското Море, кои се наоѓаат приближно помеѓу јужноамериканскиот Кејп Хорн и Антарктикот.
Водите на Антарктичката циркумполарна струја во поголемиот дел од Јужниот океан се постудени и помалку солени од океанските води на север.
Антарктичката циркумполарна струја црпи вода од Атлантикот, Пацификот и Индискиот океан за да помогне во движењето на глобалниот „струен бран“ што носи топлина околу планетата, додека студената густа вода на струјата тоне и помага во складирање на јаглерод во длабочините на океанот.
Илјадници морски видови живеат само во рамките на Антарктичката циркумполарна струја според National geography.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар