Каде завршуваат парите од една од најпознатите фонтани во светот?

Фонтана ди Треви во Рим, крие легенда, според која тој што ќе фрли паричка во неа свртен со грбот, гарантирано повторно ќе го посети градот и ќе му се исполни најголемата желба. Оваа фонтана е една од најпознатите туристички атракции во Италија. Секојдневно илјадници луѓе фрлаат паричка и замислуваат желба. А каде завршуваат парите од дното на фонтаната?

Парите ги собира италијанската католичка хуманитарна организација Каритас и тие се донираат на социјално загрозени лица. Сумата воопшто не е за занемарување! На годишно ниво стигнува до 1,5 милиони долари. Трите најзастапени валути кои се вадат од фонтаната се евра, американски долари и јапонски јени.

Освен Каритас, никој друг не смее да вади пари од фонтаната. Пред околу половина век, вешт крадец по име Роберто Черчелета неколку години успевал да си обезбедува егзистенција од парите од фонтаната. Ги вадел со помош на магнет во облик на меч. Кога го фатиле и му забраниле да го прави тоа, во знак на протест се прободел во стомакот и тоа пред фонтаната.