Вести

Каде живее УФЦ шампионот, Хабиб Нурмагомедов?

Објавено

пред 4 години

на

19/10/2019

Од

Gostivarpress.mk

Дом далеку од цивилизацијата, среде планините, без телевизија и интернет.

Роднaта куќа на Хабиб Нурмагомедов, во моментов најпознатиот руски спортист, по ништо не се разликува од неколкуте десетици соседни куќи. Изгледа потполно исто како што беше пред многу години, пред шампионот на УФЦ да стане толку популарен во светот. Со текот на годините, не се појавија ниту претенциозни ентериери ниту високи згради.

Без интернет, без телефонска врска

Нурмагомедов е роден во планинското село Сиjди, Дагестан, кое се наоѓа во близина на границата со Чеченија. 40 километри низ реки и планинските врвови од најблиското населено место. Жителите велат дека селото опстанува на ова место најмалку 500 години. Само тука моментално живеат 220 луѓе. Луѓето главно се занимаваат со земјоделство и сточарство. Масовната миграција од Сиjди во низинската област Кизиjуртов започна во 1990-тите, кога на тамошните селани им била понудена земја, бизнис и инфраструктура.

Училиште и џамија – тоа е сè што има во Сиjди. Нема болница, градинка, интернет или вообичаена телефонска врска – понекогаш може да се фати сигнал на врвот на планинско село. Нема продавници. Камион еднаш месечно доставува намирници: брашно, шеќер, ориз и тестенини. Единствено по што е познато ова место е Хабиб и неговиот татко и тренер Абдулманап (сопругата на Хабиб е исто така од тука). По бројните борбени победи, Сиjди стана култно место за неговите фанови. На влезот во селото, поставен е голем билборд со фотографија од Хабиб и порака „Добредојдовте во земјата на орлите!“

Дагестанските власти планираат да градат хотел и спа центар овде во 2020 година, а до тогаш локалното население ќе покажува само каде е домот на Хабиб.

Куќа на улицата Нурмагомедов

Куќата на Хабиб Нурмагомедов се наоѓа на улицата Нурмагомедов. Улицата не го носи името по него, туку по неговиот чичко, Нурмагомед Нурмагомедов, кој беше светски шампион во спортскиот Самбо во 90-тите години. Самата куќа не се разликува од остатокот од селото.

Погледот од прозорците на куќата на планините е фасцинантен. Според регионалното списание на ЕтоКавказ , куќата има две мали простории со кревети, шпајз со стар фрижидер и мала кујна. На подот има стар килим. Телевизија постои, но не работи – гром ја погодил антената.

Во 90-тите години, семејството Хабиб не било иисклучок и го напуштиле селото. Дедото на Хабиб живеел во куќата некое време, а подоцна многу роднини се вратиле меѓукои и самиот Хабиб.

Махачкалка – Сан Хозе

Хабиб сега поголемиот дел од времето го поминува во два града и во две држави: главниот град на Дагестан, Махачкали, каде живеат неговата сопруга и децата, и во Сан Хозе, Калифорнија, каде што тренира на Американската академија за кикбокс .

Становите на Хабиб и неговиот татко во Махачкала се наоѓаат во истата зграда.

„Ние ја градиме нашата куќа, но за сега живееме во зграда: Јас сум на првиот кат, тој е на шестиот“, вели Абдулманап Нурмагомедов. „Децата наутро доаѓаат пред зградата за да се сликаат со Хабиб. На ѕидовите во околината на секаде пишува „Хабиб шампион“ и сè е во тој стил.

Хабиб вели дека се обидува да биде колку што е можно повеќе дома, бидејќи на толку многу внимание сакал не сакал ќе се измориш: „Јас дури и не се сеќавам на последниот пат кога сум бил на кино. Сакам да излегувам и да поминувам време со пријателите, но во последно време тешко успевам во тоа“.