Кај 5 лица потврдена истовремена инфекција со грип и ковид

Во текот на 1-ва недела од 2022 година (03-09.01.2022), во земјава пријавени се 470  случаи на грип. Институтот за јавно здравје информира дека во вирусолошката лабораторија пристигнале 224 материјали за лабораториско тестирање на грип паралелно тестирани за грип и COVID-19. Притоа, детектирани се 40 позитивни случаи, сите грип Influenza A несубтипизиран. Од позитивните од рутинскиот надзор, кај 5 е потврдена инфекција со грип и КОВИД-19 истовремено.

Во однос на возраста, 270 лица се на возраст од 15-64 години, 121 деца на возраст од 5-14 години, 64 се деца на возраст од 0-4 години и 15 лица на возраст над 65 години. Заболените се пријавени од: Дебар – 156, Тетово – 78, Гостивар – 62, Кавадарци – 42,  Куманово – 29, Велес и Скопје – по 27, Охрид – 24, а во останатите ЦЈЗ/ПЕ, бројот на пријавени е помал од 10.