Како да ги сочувате пријателствата во вонредна состојба

Ова е момент по кој многу работи, веројатно, никогаш нема да бидат исти, но тоа не значи дека треба лесно да се откажуваме од важни работи во животот, како на пример пријателството. И тоа е под тест во ова време! Затоа е важно да се сочува.

Истражување на канадски научници открива дека често потешко ги поднесуваме прекинувањата на пријателство отколку на раскинување на врска, бидејќи при прекинувањето на пријателство имаме чувство на неуспех во животот. Но студиите недвосмислено покажуваат и дека во секоја вонредна состојба, односот со пријателите полесно страда, исто како што може да стане и уште поцврст. Зависи од тоа колку бил искрен пред кризата, а и како, во нејзиниот тек, ќе се поставиме кон блиските луѓе. Сега ситуацијата е уште по специфична и од нас се бара да не се дружиме, контактите да ги сведеме на минимум, па практично живееме така што ги избегнуваме луѓето што ги сакаме.

Еве неколку практични совети како да не ја срушиме љубовта кон нашите пријатели, како да ја заштитиме и зајакнеме.

Барајте ги најдобрите пријателите почесто. Тоа што не можете да ги видите, надополнете го со редовни телефонски повици.

Не заборавајте да ги прашате како се и нив, а и нивните најблиски. Дали нешто им недостасува, дали им е потребна некаква помош.

Напревете сѐ да им се најдете ако им затреба нешто. Доколку вие не можете де излезете надвор, замолете некој кој може, наместо вас, да им се најде ако им затреба нешто.

Праќајте им заеднички фотографии за да ги потсетите на некои убави заеднички моменти.

Организирајте дружење преку интернет камера, со сѐ кафе и колачи, за потполна атмосфера.

Разговарајте за убави спомени, но правете и планови за деновите кои доаѓаат после вонредната состојба.

Читајте исти книги или гледајте исти филмови во исто време, па преку телефон разменете впечатоци.

Охрабрувајте се секој ден едни со други и дајте сѐ од себе  на најдобрите пријатели, да им измамите насмевка.