Како да ја изберете вистинската слатка лубеница ?

Нема личност која не сака лубеница, но изборот на слатка и сочна понекогаш е вистинска задача. Затоа, искористете ги овие три одлични трикови и никогаш повеќе нема да погрешите:

• Побарајте жолтеникава дамка на површината на лубеницата

Дали некогаш сте забележале дамка на површината на лубеницата? Тоа претставува место каде што лежела на земја за време на зреењето. Најзрелите лубеници имаат жолтеникаво место, додека оние бели или светло зелени бои треба да се избегнуваат затоа што нив ги има на лубениците што се собираат пред да бидат зрели. Не купувајте ниту лубеница која нема никаква дамка на површината.

• Погледнете ја дршката

Потоа, обрнете внимание на дршката. На свежата лубеница, дршката е зелена, а кај оние што стојат подолго време, таа е малку сува и жолтеникава.

• Звукот е клучен

Последниот чекор е тест за „чукање“. Чукнете ја лубеницата и обрнете внимание на звукот – ако „ѕвони“ и ви се чини дека одекнува малку, скоро е сигурно дека лубеницата е зрела и слатка.