Како да направите домашен спреј против инсекти

Топлото време е омилено за поголемиот дел од луѓето, заради можноста за шетање, летен одмор, посета на базени, уживање на балкон или во двор навечер. Сепак, порастот на температурите си носи и свои мани и проблеми. Еден од нив се инсектите.

Навистина во продавниците и аптеките може да се купат разни препарати против досадните комарци, муви и други инсекти. Но, зошто да користите хемикалии, кога може да си направите спреј со исто дејство од природни состојки.

Ви треба: половина филџан алкохолен оцет, 20 капки етерично масло од ментол или еукалиптус и филџан и половина вода. Сите состојки измешајте ги и ставете ја течноста во шише со распрскувач.

Користете го спрејот за распрскување по одредени површини по домот, на пример по лавабото, над ормари и плакари, на врати и слично.

Оваа мешавина со сигурност ќе ги растера досадните инсекти.