Како да подготвите царска туршија

Есенските месеци се резервирани за подготовка на зимницата која е незамислива без туршија. Ви пренесуваме еден рецепт, кој многу лесно ќе го направите, а веруваме дека сите дома ќе го обожаваат: Царска туршија!

состојки:

1 кг. црвени пиперки

2 кг. зелка

700 гр. моркови

5 парчиња целер

1 до 2 глави карфиол

шеќер, сол, оцет и аспирин

подготовка: Сите зеленчуци убаво се мијат и се сецкаат. Потоа се редат во претходно стерилизирани тегли. Откако ќе го наредите секцаниот зеленчук, во секоја тегла ставете 4 лажици алкохолен оцет, по една лажица сол и шеќер, и две апчиња аспирин. Прелијте ги теглите со врела вода одозгора да се прекрие зеленчукот и веднаш затворете ги. Теглите преврете ги наопаку, а после 10-тина минути превртете ги уште неколку пати за да се растопат аспирините.