Како да препознаеме квалитетни пелети?

Пред почеток на грејната сезона сите размислуваме на затоплувањето. Многумина избираат греење на пелети поради различни причини. Тука веќе се јавува дилемата какви пелети?! Знаеме понудата на пелети во Гостивар е повеќе од одлична но освен поскапи или поефтини нешто повеќе и не знаеме. Најдовме одговор како да се препознаат квалитетни пелети. Се надеваме ќе ви го олесни изборот.

1. Земете еден пелет прмерок од вреќата и свртете го низ прстите, доколку прстите и дланката ви останат чисти без прашина пелетот е добар.
2. Мириснете ги пелетите, мора да мирисаат на дрво или пилевина.
3. Погледнете ја и вреќата, дното на вреќата. Количината на иситнети пелети и прашина Ви покажува колку се квалитетни пелетите.
4. Mожеби и најдобриот тест. Ставете еден пелет во чашата, пелетот треба да потоне. Не треба да се купуваат пелети кои пловат. Причекајте, дрвената пелета со добар квалитет ќе се прошири и ќе се распадне за многу кратко време. Ако тоа не се случи значи пелетот е со лош квалитет, суровината не е чиста и има многу врзивно средство во пелетите.