Како да спасите јадење во кое сте ставиле премногу сол или лути зачини

Ако сте ги пресолиле супата, гулашот или сосот, додајте вода или ставете зеленчук, како лук или морков и продолжете да го варите јадењето уште десеттина минути.

И киселината помага во ублажувањето на пресолениот вкус, па слободно во пресоленото јадење додадете сок од лимон или оцет. Соленоста на јадењето може да се намали и со додавање на шеќер или мед.

При рака треба да имате компир или јаболка

Кога ќе го пресолите јадењето, ставете во него еден излупен компир или јаболко, кои ќе ја впијат солта, а откако јадењето ќе се зготви, извадете ги од него.

Искусните готвачи, советуваат дека јадењето треба да се вкусува низ целиот процес на готвење, а не само на крајот. Бидете внимателни со додавањето на зачини, бидејќи тие содржат голема количина на сол.

Помага и сирењето

Одличен додаток на пресолените јадење е и зеленчукот како тиквиците, исечени на коцки, кои ќе го неутрализираат солениот вкус, а во сосот, во којшто сте ставиле премногу лути зачини, најдобро е да се ублажи со домат, кој ќе ја намали лутината на сосот.

Славната американска готвачка Марта Стујарт, предлага, во пресолените јадења, да се додаде масен крем, како шлаг без шеќер или некој друг кремаст млечен производ.

Можете да додадете и малку млеко со густин, растопено сирење или благо сирење за мачкање.