fbpx
Поврзи се со нас

Вести Гостивар

Како и кога се примаат новите воведени вакцини против Рота вирус и Пневмококна вакцина

Објавено

на

Во Календарот за имунизација годинава воведени се две нови вакцини: против Рота вирусот и Пневмококна вакцина, информираа од Министерството за здравство.

Рота вирусот најчесто ги напаѓа доенчињата на возраст од 6 месеци и децата до 5 години. Се манифестира тешки проливи и повраќања, проследени со висока температура, што може да доведе  дехидрација. Вакцинацијата против рота вирусот се спроведува орално во три дози со ставање капки во устата на детето, на возраст од шест недели до 32 недели. Првата доза од вакцината треба да се даде пред детето да наполни 15 недели, додека сите три дози на вакцината треба да бидат примени пред да наполни осум месеци.
Пневмококната вакцина пак се дава интрамускулно, со инјекција. Се користи пневмококна вакцина, која штити од повеќе серотипови пневмокок, кои се поврзуваат со тешки инфекции кај децата. Детето може да прими од една до четири дози, во зависност од возраста на детето во моментот кога е почнато со вакцинација.
Актуелно тече Европската недела на имунизација во која преку разни активности се цели да се подигне свеста за редовно вакцинирање на децата.

„Со редовна вакцинација ги заштитуваме нашите деца, најблиски и пошироката заедница од тешки заразни заболувања. Високиот опфат на вакцинација на соодветна возраст, создава колективен имунитет.“, нагласуваат од Министерството за здравство.

Сподели:
Остави коментар

Оставете коментар

Вашата адреса за е-пошта нема да биде објавена. Задолжителните полиња се означени со *

Advertisement
Advertisement
Advertisement
Advertisement

Отворени огласи за вработување во полог:

- Монтенегро ДОО Гостивар
- Монтенегро ДОО Гостивар
- Монтенегро ДОО Гостивар
- Монтенегро ДОО Гостивар
- Кошаркарски клуб Гостивар А.Д
- VILLA Group DOOEL
- M&M Медија ДООЕЛ Гостивар

СЛЕДЕТЕ нè на FACEBOOK

Популарно изминативе 100 дена

error: Содржината е сопственост на Gostivarpess.mk!