Гостивар
Како ќе биде со патувањата? 5 работи што ќе се случат по пандемијата на коронавирус
Поради пандемијата на коронавирус, поголемиот дел од светот е затворен дома, а движењето е крајно ограничено. Во таква ситуација, многу е тешко да се замисли да одите на патување, но експертите предвидуваат дека секторот за туризам ќе се опорави по пандемијата, како и по сите други кризи со кои сме се соочиле, пишува CNN Travel.
„Луѓето сепак ќе сакаат да патуваат, но ќе бидат повнимателни во нивното одлучување“, вели Адам Блејк , професор по економија на Катедрата за туризам и угостителство на универзитетот Борнмут во Велика Британија.
Иако е тешко во овој момент да се процени кога ќе исчезне ризикот од коронавирус, експертите се согласуваат дека ќе бидат потребни посебни напори и на луѓето ќе им се нудат дополнителни стимулации за патување по пандемијата.
Еве што предвидуваат светските експерти за тоа што ќе се случи во туристичкиот сектор:
1. Чистотата ќе биде многу важна
Чистотата на сместување и превозните средства отсекогаш била важна, а тоа дополнително ќе се потенцира по пандемијата на коронавирус.
„Секој – без разлика дали станува збор за крузер, приватен смештај или хотел, ќе треба да го сменат начинот на кој ги одржуваат и чистат местата каде што престојуваат гостите, но и начинот на кој тие информации ги соопштуваат на гостинот за да го зголемат нивото на удобност“, вели професорот Кристофер Андерсон во хотелскиот универзитет Корнел во Итака, Њујорк.
Ќе мора да се воведат нови видливи мерки за да им се укаже на гостите дека се грижат за нивното здравје. Овие нови мерки може да вклучуваат сe, од сеприсутната достапност на средства за дезинфекција на рацете, до често дезинфицирање на местата за гости.
2. Патниците може да се чувствуваат посигурни во хотелите
Ако приватните изнајмувачи не успеат правилно да искомуницираат и претстават она што прават кога станува збор за чистење и безбедноста на гостите во нивните станови и домови, патниците би можеле да му дадат приоритет на хотелското сместување. Хотелите имаат стандардни протоколи за одржување кои се видливи за гостите и кои му даваат доверба на клиентот.
3. Цените на хотелското сместување ќе паднат
Цените на хотелските усчуги во САД се намалија за 30 проценти во последната недела од март годинава.
„Цените ќе се намалат уште повеќе, пред гостите да се вратат назад“, вели аналитичарот Јан Фрајтаг од „ Lodging Insights“ за СТР Глобал.
4. Цените за крстарење ќе се намалат
Експертите за туризам предвидуваат и дека цените на пакетите за крстарење ќе паднат, а главниот предизвик ќе биде привлекување нови гости. Оваа гранка на туризам ќе се опорави од кризата ако бродовите се реконструираат и пренаменат за помал број на луѓе, но и доколку се воведат алтернативни опции за јадење наместо шведска маса.
5. Ќе се бараат авиони со помал капацитет на патници
На патниците поудобно ќе им биде да патуваат со авиони со помал капацитет. Исто така, се претпоставува дека авиокомпаниите ќе бидат пофлексибилни во почетокот со евентуални промени на датумите на летот.
„Авиокомпаниите ќе треба драстично да ги намалат цените на билетите во однос на минатото лето и да летаат со празно средно седиште за да создадат растојание меѓу патниците“, вели професорот Кристофер Андерсон.
Експертите предвидуваат и дека бизнисмените ќе бидат првите кои ќе започнат редовно да летаат и започнат со закрепнување на воздухопловната индустрија по пандемија на коронавирус.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар