Како лалето стана едно од омилените цвеќиња во светот

Лале или тулипан е род кој потекнува од многугодишни луковичести растенија од семејството на лилјани. Името на овој цвет потекнува од персискиот збор толибан односно турбан, поради сличноста на пупката на овие растенија со источната капа турбан. Лалето потекнува од Турција и датира од 1530 година. Македонскиот назив „Лале“ доаѓа од Турскиот Laleh.

Лалето станува актуелно во почетокот на 1600-тите години кога почнува да се одгледува во Холандија. Иако многумина мислат дека Холандија е земја на лалињата, сепак своите корени лалето ги има од Турција.

После розата и орхидејата, лалето е трето по ред најомилено цвеќе во светот. Лалето е симбол на убавина, раскош и богатство. Лалето се подарува во знак на искрена и вистинска љубов и наклонетост. Бидејќи лалињата ја најавуваат пролетта, тие се симбол на нешто ново, нов почеток, нов успех и слично.

Лалето е растение кое се навикнува во сите услови, може да се најде во сите делови на Европа и Азија. Тоа се прилагодува на топла и ладна пролет, затоа лалето останува лале, во сите услови и во сите ситуации.