Како лесно да ги исчистите загорените садови

Не очајувате ако ви загори храната при подготвување и остави дамки на садовите. Ви пренесуваме неколку трикови како ефикасно да ги отстраните загорените дамки.

Дури и na најискусните домаќинки им се случува понекогаш да им загори храната и остави поголеми дамки кои барем на изглед се чини дека не може да се отстранат. Без разлика дали станува збор за загорено млеко, сос, или друга храна, ви пренесуваме два начина за ефикасно чистење на садовите за готвење.

Токму во загорениот сад сварете вода во која е растворено малку прашок за пециво и загорениот дел на дното од садот ќе се отстрани многу лесно. Во примерите каде ептен е загорена храната може да додадете и малку детерѓент и убаво да се истрие со жица за садови.

За вториот пример потребни ќе ви бидат три лажици оцет, лажица сода бикарбота и две чаши вода. Во садот истурете ја водата и додајте го оцетот. Потоа ставете го садот на рингла да зоврие водата. Садот тргнете го од шпоретот и додајте сода бикарбона. Испразнете го тенџерето и истријте со сунѓер. Ако дамките се упорни додајте уште малку сода и употребете жица за садови. Со примена на овие совети ќе заштедите време во вашата кујна, а загорените садови повеќе нема да ви претставуваат проблем.