Здравје и убавина
Како ментално силните луѓе го држат стресот под контрола

Во денешно време стресот е честа препрека на успехот во работата. Токму поради тоа потребно е да се научи како ефикасно да се управува со стресот. Еве неколку начини на кои ментално силните луѓе го држат стресот под контрола.
1. Го ставаат својот проблем во перспектива
Што е поголема изложеноста на стрес повеќето луѓе стануваат се` повеќе исфрустрирани и преокупирани со негативни мисли. Ментално силните луѓе не му допуштаат на стресот да преовлада со нив, барем не по секоја цена. Тие ги потиснуваат негативните мисли во една реална рамка за да го здржат стресот во соодветната перспектива, сметаат стручњаците.
2. Се уверуваат во позитивен исход
Самодовербата е клучната карактеристика кај ментално силните луѓе која им помага да функционираат и покрај стресот. Наместо негативни мисли и изјави од типот “не можам повеќе да се носам со проблемот“, тие себесеи често се уверуваат во спротивното.
3. Се фокусираат на она што можат да го имаат под контрола
Некои работи се надвор од наша контрола и за некои луѓе тој факт е стресен само по себе. Луѓето кои се ментално силни знаат која е нивната должност. Тие сета своја енергија ја усмеруваат во активно решавање на проблемите и не губат сила на работи на кои не можат да влијаат.
4. Свесни се што е изворот на стрес
Идентификацијата на стресот е првиот чекор кон неговото совладување. Ментално силните личности се свесни за причините за стрес, односно за настанот или ситуацијата за која проценуваат дека го загрозува нивниот или животот на, за нив, важни луѓе. Токму поради свесноста ментално силните луѓе знаат да ги прилагодат своите активности и животниот стил во ефикасна борба против стресот.
5. Си поставуваат здрави граници
Ментално силните личности избегнуваат да си поставуваат силни емоционални и психолошки граници и превземаат одговорност за своите постапки. Тие не ја префрлаат вината кај другите и усвојуваат здрави граници што значи дека бараат разговор кога им е потребен и дека ги превземаат самостојно сите чекори за да ги задоволат своите потреби.
6. Го поминуваат времето опкружени со позитивни луѓе
Поддршката од околината е важен дел од борбата со стресот и поради тоа ментално силните луѓе времето најчесто го поминуваат во позитивна околина. Ако се опкружени со песимисти тоа ги зголемува шансите негативните мисли силно да им се одразат.
7. Им даваат приоритет на своите задачи
Времето, веројатно е најценетиот ресурс со кој располагаме и тоа ментално силните личности го разбираат. Тие не ги избегнуваат активностите кои ги прават незадоволни туку прават приоритети за да се фокусираат на најважните работи кои ги работат.
8. Не забораваат да се забавуваат
Еден од најдобрите начини кој го победува стресот е планирањето на слободното време кое можете да го искористите за било каква активност која ве опушта, од дружење со семејството и пријателите до уживање во омиленото хоби. Ментално силните луѓе тоа добро го знаат па покрај стресот и проблемите посветуваат доволно време за одмор и забава.
9. Користат здрави начини за соочување со стресот
Повеќето луѓе настојуваат стресот да го надминат со алкохол, кофеин и храна. Ментално силните луѓе, од друга страна, настојуваат да го пребродат стресот со поздрави активности како што се медитација или прошетка во природа. Здравиот начин на живот е клучна ставка во борбата против стресот и поради тоа настојувајте да спиете доволно, да се храните здраво и да започнете со некоја физичка активност. Така ќе ја зголемите својата отпорност на стрес.
-
Гостиварпред 2 месеци
Храбра во борбата со рак, Рената од Гостивар споделува за голготата, болката, сомнежите, надежта…
-
Гостиварпред 3 месеци
Притвор за 30 годишник од Гостивар, снимал сексуални односи со девојче и видеата ги чувал во телефон за да ги споделува
-
Гостиварпред 3 месеци
Несреќа во Гостивар: Со „бмв“ удрил во пешак, па во ограда и куќа
-
Гостиварпред 2 месеци
(Видео) Мечка ноќеска се симна во Жировница-Отстрел ќе нема, одобрени превентивни мерки
-
видео емисиипред 3 месеци
Емисија „МИНУТИ ЗА СЕКОГО“ – Гостин Велко Бобароски | Дијабетес
-
Гостиварпред 3 месеци
Убиени се мечка и две мали мечиња во Жировница
-
Гостиварпред 3 месеци
Нарушен јавен ред и мир во болницата во Гостивар, приведен е маж
-
Гостиварпред 3 месеци
Утрово уапсен гостиварец за обљуба врз девојче