Вести
Како настанале популарните гестови кои најчесто ги користиме кога се фотографираме
Значењето на подигнат или спуштен палец, поздравување со тупаници и другите едноставни гестови кои ги практикуваме е познато на жителите на сите меридијани. Многу од нив ги користиме кога се фотографираме за инстаграм и во секојдневната комуникација, а нивната значење се менувало од епоха, во епоха.
Знаете ли како тие настанале и како ги добиле денешните значења?
1.Знак V
Два прста, еден знак, две значења.
Формирањето на латиничното V, со помош на показалецот и средниот прст, првобитното значење го добило во текот на Втората Светска војна, кога белгискиот политичар Виктор де Лавелје, во текот на радио емисиите на Би-би-си, им предложил на окупираните Европејци да го користат тој знак, како симбол на отпор. Во Франција овој знак симблилизирал слобода.
Де Лавелје верувал дека овој симбол, кој се распространил низ целиот континент, ќе ги деморализира нацистите. Најпрво оваа идеја ја распространил британскиот печат, а потоа станала популарна низ сите окупирани држави во Европа.
Два прста, користел и британскиот Премиер Винстон Черчил како знак за победа. Го присвоил и Ричард Никсон.
Што се однесува на популарната култура, овој знак се користел во 1970- те за реклами. Подоцна, кога бил општоприфатен во Европа, знакот V станал симбол за мир, а тоа така остана до ден денеска, кога се сликаме за инстаграм.
2.Среден прст
Покажувањето на средниот прст датира уште од стариот Рим, кога се нарекувал „непристоен прст“. Римјаните верувале дека со покажувањето на овој знак, кој го симболизира машкиот полов орган, ги отстрануваат уроците. Затоа, кога Римјаните ќе наиделе на некој, кој сака да им фрли урок, го покажувале магичниот среден прст за да се заштитат од клетвата.
3.Поздрав со тупаници
Овој гест го измислиле професионалните боксери, во седумдесеттите години од минатиот век, а веднаш потоа љубителите на боксот, почнале да го применуваат истиот гест.
Подоцна, овој гест станал популарен и меѓу играчите на бејзбол, кои со своите соиграчи наместо да се ракуваат, се допирале со тупаниците за да ја зачуваат кредата на дланките. Потоа, овој гест станува популарен и меѓу љубителите на кошарка, а не долго после ова, младата популација ширум светот го употребуваат како нормален поздрав.
4.Палец горе, палец доле
Веројатно овој гест ве потсетува на гладијаторските борби и одлучувањето на нивната судбина. Палецот насочен нагоре, значел дека гладијаторот е помилуван, додека палецот насочен надолу, дека гладијаторот го чека смрт. Меѓутоа, судејќи по некои извори било која положба на палецот, означувала: „Убиј го“, а прстот го преставувал чинот на прободување со мечот.
Векови подоцна, Французите и Англичаните на овој знак му дале други значења. Палецот дигнат нагоре означувал дека нешто е првокласно. Така палците насочени на горе, добиле позитивна конотација.
Сосема случајно и Кинезите со палците свртени нагоре, означувале нешто извонредно. Во текот на Втората светска војна, кинеските цивили со овој знак им пружале поддршка на „Летачките Тигри“, група на американски воени пилоти, кои летале со кинеската авијација помагајќи им за да се одбранат од јапонските бомбардери.
Денеска ова е само уште една инстаграм поза, зар не?
5.Салутирање
Салутирањето настанало од гестот вадење на шеширот, со кој се укажува почит. Кодексите, кои ги одредувале правилата за однесување на британската војска во осумнаесеттиот век, налагале да ги извадат капите пред нивните надредени.
Меѓутоа, со текот на времето капите станале непрактичен и старомоден начин на салутирање. Од тогаш се применува поздравот, со допирање на главата.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар