Како тоа го прават Унгарците: За брак, заем од 30.000 евра, отпишување на заемот по раѓање на трето дете, екстра додатоци за бабите и дедовците..

Проблемот со иселувањето на запад и опаѓањето на наталитетот станува се посериозен проблем во овој дел од Европа. Многу власти во регионот меѓу кои и нашата се обидуваат да ги задржат младите и стимулираат демографскиот развој, но со ваков пристап тешко дека ќе ги одвратат младите кои веќе со мислите се на запад.

Унгарскиот премиер Виктор Орбан, сериозно го има сфатено овој проблем, па во неделата во традиционалното обраќање до нацијата најави нова серија на придобивки за семејствата се со цел да ги задржи во својата земја. Новите мерки вклучуваат поголем заем за семејства со најмалку две деца за да им помогнат да купат сопствен дом, потоа субвенции за купување автомобил и ослободување од данок за жени кои одгледуваат најмалку четири деца, финансиска поддршка за бабите и дедовците и ред други поволности, пренесува унгарската новинска агенција МТИ.

-Жените под 40 години кои се венчаат за прв пат, можат да добијат заем од 10 милиони форинти (30.000 евра). Третина од заемот ќе се отпишува кога ќе се роди второто дете, а целиот заем ќе се отпише по раѓањето на третото.

-Бабите и дедовците кои се грижат и помагаат во одгледувањето на внуците додека нивните родители работат ќе бидат дополнително стимулирани за тоа со додаток за грижа за деца и грижа за мали деца наместо родители.

-Семејства со најмалку три деца добиваат субвенција од државата од најмалку 2,5 милиони форинти (околу 7.500 евра) за купување на  автомобил со седум седишта.

– Додека, жените кои родиле четири или повеќе деца да бидат ослободени од персоналниот данок на доход до крајот на животот.

-Владата ќе ги враќа хипотекарните кредити до 1 милион форинти на семејствата кои се задолжени, а имаат две или повеќе деца.

-Нови поволни заеми за купување на свој дом, за кои гарант за заемот ќе биде државата.