Поврзи се со нас

Вести Гостивар

Каков имот пријавил во анкетниот лист градоначалникот Арбен Таравари?

Првиот човек на Општина Гостивар, Арбен Таравари како личен имот поседува моторно возило „волво“ и банкарски депозит од 670 илјади денари. Ова градоначалникот го пријавил во анкетниот лист за имотната состојба како функционер, што се поднесува во Државната комисија за спречување на корупција.

Таравари нема пријавено недвижен имот на негово име, а пријавил стан од 94 квадрати во Скопје, сопственост на сопругата, како и две куќи (335 и 55 квадрати) и деловни простории во Гостивар и градежно земјиште во Тетово, како имот на родителите. Во анкетниот лист стои дека со сопругата имаат заеднички имот – уметнички слики во вредност од 245 илјади денари. Како имот на брачен другар, градоначалникот пријавил и златен накит во вредност од 1,3 милиони денари.

Актуелниот анкетен лист не се разликува многу, од оној што Таравари го поднел кога стапи на функцијата министер за здравство.

Анкетниот лист е објавен на веб страната на Државната комисија за спречување на корупција.

Правилата налагаат секое избрано или именувано лице до Државната комисија за спречување на корупцијата да поднесе Образец за имотна состојба – Анкетен лист, во рок од 30 дена по иборот/именувањето на функцијата.

Сподели:
Остави коментар

Напишете коментар

Advertisement
Advertisement
Advertisement
Advertisement

АНКЕТА

Дали сте задоволни од понудените мерки на Владата, за справување со економската криза?

Резултати од анкетата

Advertisement

Популарно изминативе 100 дена

error: Содржината е сопственост на Gostivarpess.mk!