Каква е временската прогноза за Гостивар за оваа работна недела?

По топлотниот бран изминатите денови, новата работна недела во гостиварскиот регион носи дестабилизација на времето, пад на дневната температурата и врнежи.

Според метеоролошките прогнози, денес (понеделник) претпладне ќе биде сончево и топло со умерена облачност, додека во попладневните часови се очекува пороен дожд, проследен со грмежи и засилен ветер. Температурата ќе се движи во интервал од 16 до 27 степени.

Слично време не` очекува и во наредните денови, до петок. Претпладне Сонце со малку облаци, додека попладне и навечер нестабилност, дожд со услови за невреме. Утринската температура ќе биде 16, додека дневната ќе достигне 26 степени. УВ зрачењето ќе биде со индекс 7.