Какви лектири читаат учениците? – Писателите ќе бараат преиспитување

Друштвото на писатели на Македонија најави иницијатива за преиспитување на содржините на лектирите за основно и средно образование. Писателите оцениле дека книгите-лектири кои се дел од наставната програма за учениците во голем дел не кореспондираат со вистинските вредности во делот на класичната литература, но и со новите трендови во домашната и светската книжевност.

ДПМ ќе побара од Министерството за култура и од Министерството за образование и наука со помош на експерти да ги прочистат лектирите според естетските параметри и реалните очекувања од современиот образовен систем, сметаат дека е потребно и ослободување на изборот на авторите и делата од идеолошки и други нелитерарни мотиви.

Иницијативата ќе биде покрената на редовното годишно собрание кое ќе се одржи на 22-ри јуни.