Какво ќе биде времето во новата работна недела?

Времето денеска (понеделник) ќе биде променливо облачно со повремени врнежи од дожд. Попладне на повеќе места ќе биде нестабилно со пороен дожд, грмежи и засилен ветер од јужен правец. Кон крајот на денот ќе започне да дува силен ветер од северен правец кој ќе продолжи и во текот на ноќта што ќе услови на планините и на некои повисоки места врнежите да преминуваат во слаб снег. Температурата во гостиварскиот регион ќе биде во интервал од 0 до 12 степени.

Управата за хидрометеоролошки работи (УХМР) информира дека во вторник времето ќе биде променливо облачно, ветровито и студено со значително пониски дневни температури. Ќе дува силен северен ветер, наместа со брзина и над 70 километри на час. Потоа следните денови од оваа работна недела времето ќе биде стабилно, во среда и четврток со пониски утрински температури, а дневните ќе бидат во постепен пораст.