Какво време нѐ очекува во неделата пред нас?

Во наредниве денови ќе владее врнежливо време со пад на температурата. Денес е понеделник, 286-от ден од годинава. Сонцето изгреа во 6 часот и 45 минути, а ќе зајде во 17 часот и 58 минути. Претпладнево времето ќе биде сончево со умерена облачност, а во попладневните, вечерните и ноќните часови очекувајте облачно време со врнежи од дожд кои во текот на ноќта ќе бидат по интензивни проследени со грмежи и засилен ветер. Максималната температура ќе се искачи до 22 степени.

Утре (вторник) очекувајте облачно време со врнежи од дожд. Ќе дува и умерен до засилен ветер од југозападен правец. Температурата ќе се движи помеѓу 9 и 19 степени.

Во среда и четврток се очекува сончево време со умерена облачност и умерен ветер од југозападен правец со тоа што во четврток кон крајот на денот и во текот на ноќта ќе има врнежи од дожд. Температурите ќе се движат од 10 до 20 степени во среда, односно од 13 до 21 степен во четврток.

Во петок времето ќе биде променливо облачно со врнежи од дожд, особено во претпладневните часови. Темпераурата ќе се движи од 7 до 20 степени.