Какво време не очекува оваа работна недела?

Во работната недела која е пред нас не очекува подобрување на временските прилики, за разлика од минатата, но сепак со одредени нестабилности, особено во попладневните часови.

Денес е понеделник, 223-от ден од годинава. Сонцето изгреа во 5 часот и 39 минути, а денот ќе трае 14 часа и 3 минути. Времето ќе биде сончево со мала до умерена облачност. Попладне ќе има услови за појава на пороен дожд и грмежи. Температурата во текот на денот ќе се искачи до 30 степен.

Утре (вторник), како и во среда се очекува сончево време со мала до умерена облачност со услови за нестабилност во попладневните часови. Ќе дува и слаб до умерен северен ветер. Температурата ќе се движи од 17 до 30 степени во вторник, односно до 31 степен во среда.

Слично време нѐ очекува и кон крајот на работната недела. Во четврток и петок ќе преовладува сончево со мала до умерена облачност, со слаб северен ветер и со услови за појава на пороен дожд и грмежи во попладневните часови. Температурата ќе се движи од 17 до 32 степени.