Какво време не очекува викендов во Гостивар

За разлика од минатите денови кои ги имавме неделава, денес, во сабота и во неделата се најавува мало затоплување и сончеви периоди. Не се работи за неверојатен раст на температурите, но ќе бидат малку потопли.

Во сабота во утринските часови појава на магла која што ќе се задржи и претпладне, а во текот на денот претежно сончево. Утринските температури од -12 до 0 степени, a максималните дневни од 0 до 8 степени. Во вечерните часови како и во недела во утринските часови повторно појава на магла, претпладне умерено облачно со повремени сончеви периоди, а попладне зголемување на облачноста. Утринските температури од -8 до 2 степени, додека пак максималните дневни од -1 до 7 степени.

Пред нас е викенд кој ќе биде идеален за деновите да ги поминете на некоја планина.