Какво време не очекува викендов во Гостивар и регионот?

Во регионот на Гостивар викендов не очекува променливо и топло време со врнежи од дожд.

Денес, петок, сонцето изгреа во 5 часот и 7 минути, а ќе зајде во 20 часот и 14 минути. Ќе владее умерено до значително облачно време, додека во попладневните часови ќе има услови за дожд и грмотевици. Температурата ќе се движи од 15 до 30 степени.

За утре, сабота, метеоролозите прогнозираат сончево време со мала до умерена облачност и слаб до умерен ветер. Најниската температура ќе биде 16 степени, а највисоката 30.

Во недела ќе настапи разведрување и не очекува вистински летен и жежок ден. Ќе биде сончево и ведро, дневните температури се очекува да се искачат до 33 степени, утринските ќе се движат околу 17 степени.