Какво време не‘ очекува во новата работна недела?

Денес ќе владее променливо облачно време со повремени врнежи од дожд, кои локално ќе бидат поројни. До крајот на денот на планините над 1500 метри надморска висина врнежите ќе преминат во снег. Ќе дува умерен ветер од јужен правец. Минималната температура во гостиварскиот регион ќе биде 0, а максималната 9 степени.

Во вторник претпладне ќе има повремени врнежи од дожд, кои на места ќе бидат пообилни и поројни. Поради продор на студена воздушна маса, во текот на ноќта кон вторник и во вторник претпладне на планините и на повисоките места врнежите ќе бидат од снег, а снег ќе провејува и на некои пониски места во западните и северните делови. Ќе дува засилен северен ветер, што ќе предизвика значително намалување на температурата. Утринската ќе се спушти до -6 степени, а дневната ќе достигне 2 степени.

Во среда не‘ очекува умерено облачно време, со максимална дневна температура од 6 степени. Во четврток и петок, според метеоролошките прогнози следуваат врнежи од дожд.