Какво време носи новата работна недела?

Времето денеска (понеделник) ќе биде сончево и топло со мала до умерена облачност. Ќе дува слаб до умерен ветер од северен правец кој наместа во западните и североисточните делови повремено ќе засилува. Температурата во гостиварскиот регион ќе се движи од 15 до 30 степени. УВ индексот ќе биде 8.

Од Управата за хидрометеоролошки работи, информираат дека во вторник во попладневните часови ќе има локална појава на нестабилност проследена со краткотраен пороен дожд и грмежи. Потоа во следните денови од работната недела ќе биде претежно стабилно и топло со умерен, повремено засилен ветер од северен правец. Поголем пад на температурата не се очекува.