Какво време носи продолжениот викенд во Гостивар?

Викендот што следува ни носи топло и променливо време. Денес е петок, 6 април, 96 ден во годината. До крајот на годината остануваат уште 269 дена. Сонцето изгреа во 6 часот и 11 минути, а ќе зајде во 19 часот и 03 минути. Денот ќе трае 12 часа и 52 минути.

Денес во Гостивар времето ќе биде облачно, ќе дува слаб до умерен ветер од југо-западен правец. Ќе има услови за зачестени грмежи, но условите за дожд ќе бидат минимални. Во утринските часови минималната температура достигна до 7 степени. Во текот на денот максималната температура ќе достигне до 12 степени.
Во сабота не очекува потопло време проследено со сонце и повремена облачност. Температурите во текот на денот ќе се движат од 6 до 15 степени.

Во недела ќе биде стабилно, сончево и топло. Минималната температура ќе биде 7 степени, додека максималната 21 степени.

И понеделничниот ден ќе помине во топло време, облачно со повремени сончеви периоди.