Заладување и дестабилизација на времето во наредните денови

Денес е понеделник, 146-от ден од годинава. Сонцето изгреа во 5 часот и 7 минути, а ќе зајде во 19 часот и 59 минути. Времето ќе биде сончево со мала до умерена облачност и со умерен повремено засилен северен ветер. Во попладневните часови ќе има услови за краткотраен дожд. Температурата утрово се спушти до 8 степени, а дневната ќе достигне до 20 степени.

Утре (вторник) времето ќе биде променливо облачно и нестабилно со пороен дожд и појава на грмежи. Ќе дува умерен, повремено засилен северен ветер. Температурата ќе се движи од 9 до 17 степени. Слично време нѐ очекува и во среда, променливо облачно и нестабилно со пороен дожд и појава на грмежи. Ќе дува умерен до засилен северен ветер и температури од 9 до 18 степени.

Во четврток во претпладневните часови се очекуваат сончеви периоди, а попладне променливо облачно со локален дожд пропратен со умерен до засилен северен ветаер. Температурата ќе се движи помеѓу 9-от и 20-от степен. Во петок малку поладно, односно променливо облачно време со сончеви периоди и врнежи од дожд. Температурата, се очекува да се движи од 6 до 17 степени.