Какво значење има копчето „Power“ ?

Познатиот круг со цртичка го гледаме многу пати на ден. Толку многу, што сигурно некој од нас барем еднаш се запрашал како настанал овој симбол познат како „Power“ – копче за исклучување и уклучување.

Според меѓународниот стандард IEC 60417-5009, линијата во отворено коло претставува симбол “во мирување”. Тој посочува дека некој уред е под низок напон, односно дека не е целосно исклучен од електричната енергија, туку е во т.н. режим на “спиење”.

Самиот симбол, нецелосен круг со цртичка, потекнува од бинарниот начин на обележување, каде што „1“ или „|“ означува дека уредот е вклучен, додека „o“ или „кругот“ означува дека уредот е исклучен.