Калкулатор: Пресметајте си колку ќе плаќате за струја со новите тарифи

Регулаторната комисија за енергетика денес презентираше калкулатор со кој граѓаните сами може да си проверат колку електрична енергија трошат и колку ќе плаќаат за таа потрошувачка по блок тарифи, кои се во подготовка.

„Да повториме дека нашиот предлог е постоење на блок тарифи исклучиво за време на важење на висока дневна тарифа. Потрошувачката во периоди на евтина струја нема да влегува во блоковите. Денес презентираме калкулатор со кој може секој потрошувач да си провери што би значело потрошувачка во блокови, а што постоечка ситуација, и при тоа самиот калкулатор ќе покаже каква е разликата.“, рече претседателот на Регулаторна, Марко Бислимовски.

Калкулаторот е објавен на веб страницата на РКЕ.