Кандидатот за градоначалник од ДУИ, Невзат Бејта меѓу жителите на Питарница и Железничка

Предизборната кампања кандидатот за градоначалник на Гостивар, Невзат Бејта ја продолжи со посета на делови од градот и средби со жителите во населбата Питарница и Железничка.

„Поразговарав со жителите околу плановите за Утрешен Гостивар. Внимателно ги слушнав нивните укажувања и идеи кои ги запишуваме, ги земаме предвид и даваме ветување дека во наредниот мандат ќе ги реализираме како проекти. Во нашата план-програма оставивме бел лист, токму за тоа, да ги запишеме сугестиите на граѓаните  и да ставиме наш потпис дека по формализирањето на раководната функција, ќе почнеме со нивно спроведување“, изјави Бејта.

На средбите со граѓаните тој нагласи дека приоритет на „Утрешен Гостивар“ ќе биде економскиот равој и отворањето работни места.