Канелони со мелено месо и моцарела

Јадење од италијанската кујна кое се почесто може да се сретне на нашите трпези.

Состојки:

– 8 канелони
– 300 гр мелено месо
– малку масло
– 1 кромид
– пола чаша бело вино
– 200 гр пелат домати
– бибер, сол
– оригано

Бешамел сос:

– 0,3 дл масло
– 20 гр брашно
– 3 дл млеко
– сув зачин од билки
– морско оревче
– 200 гр моцарела или гауда

Подготовка:

Исецканиот кромид пропржете го на малку масло, додадете го месото и виното и оставете го да се вари на умерена температура 10 минути. На крај додадете пелат доматите и зачини по вкус.

Подгответе ги канелоните според упатствата на пакувањето.

Сос Бешамел: Испржете го брашното на врело масло до светло жолта боја, тргнете го од шпорет, постепено додавајте млако млеко и постојано мешајте го сосот. Потоа вратете се на шпоретот и мешајќи, почекајте да зоврие сосот. Додадете сув зачин од билки и рендано морско оревче.

Само малку подмачкајте го огноотпорниот сад со масло, ставете половина од сосот бешамел и 100 гр рендана моцарела. Наполнете ги канелоните и ставете ги во садот за печење. Канелоните мора да бидат во еден ред, не распоредени едно над друго.

Истурете го преостанатиот сос од бешамел врз канелоните, посипете го остатокот од моцарелата и печете во загреана рерна на 200 степени.