Касами: Се сомневам дека Реџепи е присилен на ова

„Движењето БЕСА стои на ставот за пад на овој режим. Последните случувања со Кастриот Реџепи докажуваат дека оваа власт е спремна на се‘ за да остане на овие позиции. Се сомневам дека против своја воља ја дал изјавата и не може да дојде во Собрание да го каже својот став. Денес немав контакти со него, немам информација каде се наоѓа, последни информации имам од вчера кога неговите ставови беа во рамки на позициите на партијата. Се‘ додека не излезе да каже дека овој став е негов и не е присилен, имам право да се сомневам дека е држан против негова воља.“, изјави претседателот на Движење БЕСА, Билал Касами, во врска со последните случувања, односно статусот на фејсбук на пратеникот од редовите на Движењето, Кастриот Реџепи дека нема да учествува на седницата за гласање доверба на Владата.