Кастрати започнува со изградба на куќи за социјалци на гостиварското подрачје

Косовското Добротворно здружение „Балкански сираци“, чиј претседател е хуманитарецот Халил Кастрати започнува со изградба на една од куќите, наменети за социјално загрозени семејства на подрачјето на Гостивар. Кастрати деновиве беше во гостиварското село Чегране, кај семејството Алиу кое ќе биде прво што ќе добие нов дом, како донација. Ова семејство живее во лоши услови, дотраена куќа, во влага и кров од кој тече при врнежи, без да може да ги задоволни основните потреби на членовите.
Вкупно пет сиромашни семејства во гостиварско ќе добијат нови домови како донација од Здружението. Со финансиска и логистичка поддршка во хуманата мисија се вклучи и гостиварската локална самоуправа.
Кастрати лани во март беше прогласен за почесен граѓанин на Општина Гостивар и го доби признанието „Златен клуч на градот“.