Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 11/07/2019 | 06:55

Катаклизма на Халкидики – повеќе жртви, повредени и исчезнати во бурата

Страотното невреме, кое погоди делови од Грција однесе шест човечки животи. Тамошните медиуми јавуваат и за десетини повредени и исчезнати луѓе, по кои се трага. На полуостровот Халкидики е прогласена вонредна состојба. Првите два крака: Касандра и Ситонија останале без електрична енергија. Катастрофални последици има во Неа Плагија, Неа Потидеа, Каликратија, Неа Мармарис, Порто Карас, Никити.

Грчкиот весник TaNea пишува дека меѓу жртвите се: жена и нејзиниот 8 годишен син романски државјани, како и туристи од Чешка и Русија. Огромна штета е причинета на патиштата, врз автомобили, куќи, трговски објекти.

Службите за Итна помош и Противпожарните екипи примиле над 600 повици за помош и интервенција. Четворица од повредените во бурата кои се хоспитализирани, се наоѓаат во сериозно загрозена здравствена состојба.

 

Напишете коментар