Вести

Катедралата Нотр Дам во Париз зафатена од огнена стихија

Објавено

пред 5 години

на

15/04/2019

Од

Gostivarpress.mk

Една од најпознатите катедрали во светот, која важи и за една од најпосетуваните туристички локации во Париз, Нотр Дам е зафатена од огнена стихија. Како што јавуваат светските медиуми, пожарот избувнал околу 19 часот по локално време, а причината за сега не е позната. Се претпоставува дека огнот е поврзан со работи кои се изведувале за реновирање на катедралата.

Градоначалничката на Париз потврдила дека голем пожар ја зафатил Богородичната црква и упати апел граѓаните да се држат настрана и да не им пречат на пожарникарите во обидите да го угаснат огнот.

Францускиот претседател Емануел Макрон, објавил дека го одложува планираното обраќање до нацијата, поради страшниот пожар. „Тажен сум кога гледам дека гори дел од нас“, изјавил Макрон.

Богородичната црква се смета за најубав пример на француската готска архитектура. Името „Нотр Дам“ на француски значи Наша госпоѓа, Наша Богородица.