Каубојски компир…за вестерн атмосфера по дома

Компирот е честа храна на нашата трпеза, без разлика дали е прилог со некое месо или самостојна порција. Кога и да помислите дека сте ги исцрпиле сите идеи за подготовка на компир, сетете се дека секогаш постои некој поинаков рецепт. Денес ви предлагаме еден рецепт со интересно име: каубојски компир. Вреди да се проба!

Состојки:

• 1 кг. компир
• 4 црвени феферони
• 2 главички лук
• 150 гр. црвен грав од конзерва
• 150 гр. пченка од конзерва
• масло, сол и бибер
• 3-4 јајца (како опција, по желба)

Подготовка: Компирот се лупи, убаво се мие и се сече на парчиња. Фефероните и лукот исто така се сецкаат. Сето тоа се меша, се додаваат зачините и маслото и се става во сад во добро загреана рерна на 200 степени. Се пече 30-тина минути, по што се додаваат гравот и пченката и се враќа во рерна уште 10-15 минути.

По желба, кога се додаваат гравот и пченката одозгора може да се искршат јајцата, цели, а не изматени.