Кавадаречките „Стјуардеси“ слетуваат во Гостивар

Комедијата „Стјуардеси“ на театарот од Кавадарци, овој петок (12-ти мај) ќе биде изведена пред гостиварската публика. Претставата е работена по оригинален текст на францускиот комедиограф, Марк Камолети, а режијата е во рацете на Диме Коцевски кој игра и една од улогите. Освен него на сцената ќе ги видиме и актерите: Видан Станоев, Валентина Ѓорѓиева,  Костадин Прокопов, Зорица Стефковска, Ребека Малиминовска и други.

Урнебесната комедија „Стјуардеси“ во Гостивар ќе се одигра на сцената во големата сала на Центарот за култура АСНОМ. Почетокот е закажан за во 20 часот, а билетите се продаваат по цена од 100 денари.