„Казахстанскиот Тутанкамон“ изложен во Археолошкиот музеј во Скопје

Во Археолошкиот музеј во Скопје, отворена е ексклузивна изложба од Националниот музеј на Република Казахстан, од Нур-Султан, насловена „Патувањето на Златниот човек во музеите ширум светот“.

Во фокусот на изложбата е најпознатото и најзначајно археолошко откритие на Казахстан – Златниот човек, познат и како казахстанскиот Тутанкамун, датиран од 5 век п.н.е.  Научниците го идентификуваат како 18-годишен воин на народот Сака.

На изложбата, која се одржува во рамки на проектот „Процесијата на Златниот човек во музеите ширум светот“, покрај златниот воин, се претставени речиси 200 други вредни археолошки наоди, меѓу кои и сребрената чаша од Исик со сè уште недешифриран натпис, значајна затоа што сведочи дека писменост во Великата степа во централна Азија постоела и пред три илјади години.